كسيدة خايبة نواحي تاوريرت.. ماتو فيها 3 بعدما تقلبات بيهم طوموبيل وطاحو ف واد – تصاور

ماتو 3 ديال الناس، اليوم الثلاثاء، ف كسيدة خايبة، وقعات فالطريق الوطنية رقم 6 اللي كاتربط بين إقليمي كَرسيف وتاوريرت، بعدما تقلبات بيهم طوموبيل وطاحت ف واد بالمنطقة سميتو "تلاغ".
وذكرت مصادر ل"كَود"، أن الشيفور ديال الطوموبيل فقد السيطرة على الڤولا وهاد الشي اللي تسبب فأنه يطيح ف الواد المذكور، وماتو الناس اللي كانو راكبين معاه فهاد الكسيدة.
وأضافت المصادر، أن السلطات المحلية ومصالح الدرك الملكي انتاقلات لعين المكان، وعاينات الجثث نتاع الضحايا، في حين تم فتح تحقيق ف الموضوع لتحديد ملابسات وظروف الواقعة.
وجرى نقل جثث الضحايا إلى قسم مستودع الأموات بالمستشفى الإقليمي في تاويرت، ف انتظار تسليم الجثث للأهل ديالهم باش يدفنوهم.