شاب مات ف كسيدة نواحي الناظور

مات شاب ف العمر نتاعو 17 لعام، البارح، ف كسيدة خايبة، عرفتها الطريق اللي ك تربط بين جماعتي زايو ورأس الماء بإقليم الناظور، بعدما دخلات فيه طوموبيل وخلاتو يفارق الحياة ف لبلاص.
وذكرت مصادر "كود"، إن الهالك كان على موطور وغادي لبحر، وف الطريق دخلات فيه طوموبيل، وتسببات ليه ف إصابات خطيرة، هاد الشي خلاه إموت.
وأفادت المصادر نفسها، أن عناصر الدرك الملكي د رأس الماء انتقلات على وجه السرعة لعين المكان، حيت عاينت الجثة وفتحات تحقيق ف الموضوع، ف حين اعتقلات مول الطوموبيل ودارتو رهن الحراسة النظرية.
وجرى نقل الجثة إلى قسم مستودع الأموات بالمستشفى الإقليمي الحسني بالناظور، ف انتظار أنهم غا يسلموا الجثة للأهل نتاعو باش ادفنوها.