سرعتها كتوصل ل200 كيلومتر فالساعة.. هادي هي أول طوموبيل كطير فالعالم – تصاور

البارح تم في ميريكان الكشف على أول طوموبيل في العالم كتطير.
هاد الطوموبيل فيها مراوح قابلة للسحب يقدرو يستخدموها لي باغين يطيرو ولا يصوكوها، وطيران فيها مخاصش يفوت 750 كيلوميتر.
الطوموبيل اسمها “فلاي آند درايف” وكتباع بمبلغ 599000 دولار، و70 واحد داير كوموند عليها من دابا باش يوجدوها.
أرخص نسخة غادي تخرج قريبا بثمن 335 ألف دولار، ومن المتوقع تخرج أول طوموبيل من هاد النوع في 2021.
موقع “ديلي ميل” البريطاني، قال أن هاد الطوموبيل هي هولندية الصنع، مصوبة من ألياف الكربون والتيتانيوم والألومنيوم وفيها مراوح علوية وخلفية وكتطير على ارتفاع يصل إلى 12500 قدم، وسرعتها كتوصل ل200 كيلومتر في الساعة في الهواء، و100 كيلومتر في الساعة على الأرض.
السيارة الطائرة كتهز جوج ديال الناس فقط، وتقدر تحول من طوموبيل بثلاثة ديال الروايض الى طيارة في غضون 10 دقايق فقط.