كل واحد والهيت ديالو.. مرا ساكنة مع 320 فار وسط طوموبيل

متشردة في ميريكان تحديدا في ولاية كاليفورنيا ولات هي حديث الصحافة العالمية بعدما تبين أنها كتعيش في طوموبيل مع 320 فار.
قصة هاد السيدة بدات بعدما تقدمو بزاف أصحاب المحلات بشكاية من الفيران لي ولات منتشرة. جمعية ديال الرفق بالحيوانات تلقاو الشكاوى وبداو كيقلبو فين كينين هاد الفيران والصدمة كانت كبيرة.
السيدة المتشردة كانت في الأول مربية 2 الفيران في طوموبيل ديالها بحال “حيوانات أليفة” لكن هاد الفيران بقاو كيولدو وهي مهلية فيهم وكتعطيهم ياكلو، وفي الأخير الأمور خرجات على السيطرة ووصلو الفيران ل320 واحد.
وكشفت صحيفة “دايلي ميل” أن من أصل 320 فار لي رباتهم السيدة معاها 100 حاليا ممكن التبني ديالهم. وتم خلق صفحة لمساعدة “كارلا” وجمعو ليها الناس 5 آلاف دولار، وكين لي تبرع ليها بطوموبيل باش الأولى يحيدوها حيت الفيران كلاوها كاملة.