شاب مات ف كسيدة خايبة نواحي الناظور

مات شاب في العمر نتاعو 35 عام، البارح الاربعا، ف كسيدة خايبة وقعات فالطريق اللي كاتربط بين جماعتي "أولاد ستوت" و"حاسي"، نواحي الناظور، بعدما دخلات فيه طوموبيل.
وذكرت مصادر ل"كَود"، أن الهالك كان على متن دراجة نارية وغادي للدار ديالهم، قبل ما تدخل فيه طوموبيل وتسببات ليه فإصابات خطيرة.
وأشارت المصادر ذاتها، إلى أن المعني هزوه ديريكت ف أومبيلونص للصبيطار الإقليمي "الحسني" ف الناظور، لكنه مات ف الطريق.
ومن جهتها، انتاقلات عناصر الدرك الملكي لعين المكان، وفتحات تحقيق في الموضوع، في حين تم الاحتفاظ بسائق السيارة رهن تدبير الحراسة النظرية لفائدة البحث الذي يجري تحت اشراف النيابة العامة المختصة في انتظار تقديمو للعدالة من أجل المنسوب ليه.