تفركَع ليه البنو دالرويضة.. كسيدا خايبة قتلات حوات فبركان

كسيدة خايبة وقعات اليوم السبت، فمدخل إقليم حاسي بركان، مات بسببها حوات فالبلاصة.
وحسب مصادر محلية، فالأرجح أن هذ الكسيدة تكون وقعات بسبب البنو دالرويضة دالطوموبيل اللي كان صايكَها الحوات، واللي كيستخدمها باش ينقل الحوت ويبيع ويشري فيه.
والجدارمية حضرو لعين المكان باش يعاينو الحادث ويفتحو فيه تحقيق باش يعرفو ظروفو وملابساتو، كيف تم نقل الهالك لمستودع الأموات.