الصبليون مزال زايدين فيه.. جورنالات وحركة سياسية ف جزر الكناري تاهمات المغرب للتحضير ل"المسيرة الزرقاء"

albayancom0@gmail.com
صحافة الصبليون ما زال الكذوب ديالهم ما سالاش.
هاذ المرة جورنالات وحركة سياسية ناشطة في جزر الكناري مشاو بعيد في لخرايف ديالهم واتهمو المخابرات المغربية بالتحضير ل "مسيرة زرقاء" على جزر الكناري على شاكلة موجة "الحريگ" الجماعي ل سبتة المحتلة.
هاذ التقارير قالت أن شروط تطبيق "المسيرة الزرقاء" كلها متوفرة في انتظار الضوء الأخضر من سلطات الرباط.
وأضافت أن موانئ سيدي إفني، طانطان، طرفاية، العيون، بوجدور غادي يتم استغلالها في موجة هجرة جماعية كبيرة بلا فلوس عبر الفلوكات إلى جزر الأرخبيل في إطار الصراع الديبلوماسي المحتدم بين الرباط ومدريد.
فهاد الأزمة بين الرباط و مدريد، كل يوم كايبان الإفلاس المهني ديال عدد من جورنالات ومواقع محسوبة على الإعلام الاسباني وهاذ السطاج اللخر ديال "المسيرة الزرقاء" اللي كايمس بمصداقية صحافة الصبليون بزاف، بين أن فبركة الأخبار الزائفة حول المغرب ماغاديش يخفي السبب الحقيقي للأزمة وشكون المتسبب فيها.
Urge salir del fuego cruzado hispano-marroquí