ميريكاني دوز أكثر من عام ديال الحجز الصحي ف أوطيل سانك إيطوال فابور

ميريكاني دوز الحجز الصحي أكثر من عام في أوطيل سانك إيطوال فابور بلاما يخلص حتى ريال، في المقابل كان كايدير خدمات بسيطة.
القصة وما فيها أنه ملي بانت جايحة كورونا، لوطيل طلب من "روبرت ماليا" اللي عندو 36 عام يسكن عندهم الوقت اللي بغا، ولقى راسو في الأخير مدوز معاهم 14 شهر.
"ماليا" قال أنه ولف الشومبر ديالو في لوطيل، وأنه كايفيق يوميا مع 5 ونص ديال الصباح وكايشوف البراوات اللي كيجيو للوطيل ومرة في السيمانة كايغسل طواليطات وصافي.
السيد دابا توحش دارو وغادي قريبا يخرج من هاد لوطيل ويرجع لحياتو الطبيعية.