خاليلوزيتش: الربح ضروري اليوم باش نديرو خطوة نحو التأهل للكان والغيابات مشكلتنا

وحيد خاليلوزيتش، مدرب المنتخب الوطني أكد أن الفوز على منتخب افريقيا الوسطى اليوم الجمعة بملعب دونور ضروري، لحقاش غادي يقربنا من نهائيات كأس إفريقيا.
وقال خاليلوزيتش في تصريحات صحافية إنه طلب من اللاعبين يركزوا مزيان من أجل الفوز في المباراتين معا، مضيفا أن اللاعبين واجدين الماتش ديال اليوم.
وتابع الناخب الوطني "الفوز ضروري واخا عندنا الغيابات، اللي مابقى هي مشكلتنا، يوسف النصيري وسليم أملاح مضروبين وعندنا جوج ديال اللعابة مراض، واخا هاكاك خاصنا نربحو اليوم".
واعتبر خاليلوزيتش أن الماتش ما غاديش يكون ساهل، لأن منتخب افريقيا الوسطى غادي يلعب بكامل عناصره الأساسية