أمرابط باغي يمشي لفرقتو وخاليلوزيتش طلب منو يضعاف

نور الدين امرابط، مهاجم المنتخب المغربي والنصر السعودي، باغي يمشيو لفرقتو قبل الماتش ديال النيجر نهار الثلاثاء فملعب مراكش.
أمرابط بغا يغادر تجمع المنتخب المغربي باش يلتحق بفرقتو، لي عندها ماتش صعيب نهار الجمعة، لحقاش باغي يتكونصونترا مزيان.
مصادر “كود” أكدت أن البوسني وحيد خاليلوزيتش مازال مرخصش لأمرابط باش يمشي، واخا الماتش ديال النيجر اميكال وربما غادي يعتمد فيه على لاعبين جداد بعد انضمام بعض للمحليين.
وشارك أمرابط في مباراة بوركينافاسو وقدم فيه مستوى جيد، لهاد السبب غيروا المدرب خاليلوزيتش في الشوط الثاني.
ولكن المدرب البوسني طلب من أمرابط ينقص الوزن ديالو ويضعاف شوية، بعدما لاحض ان اللاعب غلاض على كيف كان في نهائيات كأس افريقيا للأمم لي كانت في مصر.
دابا الكرة في رجل أمرابط لان المدرب خاليلوزيتش مامعاش الملاغة.