الدگيگ ل”گود”: هدفنا التأهل للمونديال وغادي نتقاتلوا على اللقب

هشام الدگيگ، مدرب المنتخب الوطني للفوت صال، أكد بلي هدفو هو التأهل لكأس العالم، اللي غادي تنظم فليتوانيا في الصيف الجاي.
وأضاف الدگيگ في تصريح ل”كود”، أن المنتخب الوطني مستعد لكأس إفريقيا فالعيون باش يتأهل على الأقل للمونديال للمرة الثالثة على التوالي، ومن بعد غادي يتقاتل على اللقب الأفريقي للفوز به للمرة الثانية على التوالي، بعدما فاز به في جنوب إفريقيا ف 2016.
هشام الدگيك گال إنه غادي يعمل كل ما فجهدو باش يهدي اللقب للمغاربة، خصوصا أن البطولة تقام في العيون، اللي عزيزة علينا كاملين.
وبخصوص الماتش ديال اليوم الثلاثاء كونتر ليبيا مع التسعود ديال العشية، أكد الدگيگ أنه ما غاديش يكون ساهل، لحقاش المنتخب الليبي كيتعتبر من أفضل المنتخبات فلافريك في كرة القدم داخل القاعة، هو والمنتخب المصري.
واخا عندو لعابة مزيانين ومدرب إسباني كبير، غادي نلعبوا باش نربحوا هاد الماتش بالضبط، لان الفوز غادي يرفع من معنويات اللعابة دياولنا.