كان الفوتصال فالعيون.. الدگيگ: نسينا ماتش ليبيا وكنوجدوا لغينيا الاستوائية

هشام الدگيگ، مدرب المنتخب الوطني داخل القاعة، أكد أنه كان عارف الماتش ديال ليبيا ما غاديش يكون ساهل، حيت عندو لعابة مزيانين ومدرب كبير.
واضاف الدگيگ في تصريحات صحافية من بعد الماتش، أن لاعبي المنتخب الوطني عرفوا يدبروا الماتش ديالهم مزيان، خصوصا اللعابة، اللي كيشاركوا لأول مرة في بطولة إفريقيا للأمم.
الدگيگ، أكد أن الماتش ليبيا تنسى ودابا المنتخب كيفكر في الماتش الجاي كونتر غينيا الاستوائية غدا الخميس فقاعة الحزام، مشيرا إلى أن الماتش الثاني غالبا ما كيكون هو الأهم، لأن فيه كيتحسم التأهل النصف النهائي.
الدكيك اعتبر أن المنافسة ما غاديش تكون ساهلة في هاد الدورة، وقال إن 20 ساعة كافية للمنتخب الوطني، باش يسترجع طراوتو البدنية واخا المسألة صعيبة، لكن هاذي هي حلاوة الفوت صال.