خاص. قضية نائب وكيل المغرب فكازا كل ساعة تجبد سر. اغتصاب طبيبة وابتزازها وتزوير محاضر والاعتقالات وصلات ل12 والسيد دخلوه من الكونجي لعكاشة

"كود" حصلات على معطيات جديدة فقضية اعتقال نائب وكيل الملك بابتدائية عين السبع فكازا. المعطيات وضحت الصورة بخصوص ما صرح به مصدر مسؤول ل"كود" واللي ربط اعتقالو بقضية بيع لحم لحمير بوحدها كانت بانت فالمحمدية هادي عام وفديك لوقيتة كان نائب الوكيل العام فديك المدينة. مصادر "كود" اكدت ان تحريك القضية جا بعد شكايات. وحدة دارها زميل ليه وحتى هو نائب وكيل الملك واسمه مصلي بالاضافة الى شكاية طبيبة قالت انها تعرضت للاغتصاب والابتزاز...
مصادر "كود" قالت باللي كاينة شكايات اخرى فيها اتهامات بتزوير محاضر وتقديم استشارات ب5 الاف درهم للاستشارة. فلوس كثيرة تعطات وفق الشكايات. من هاد الشي كاينة قضية ديك لحم لحمير
مصادر "كود" قالت ان المعتقلين بالاضافة الى نائب وكيل الملك و3 بوليس وجدارمي كاينين 8 اخرين منهم شيفور نائب وكيل الملك.
وحسب معطيات حصلت عليها "كود" فان الاعتقال ديال هاد السيد جا بعد 4 ايام بعد ما خدا الكونجي ديالو. بداه الاثنين اللي فات