الخبرة التقنية كشفات حقيقة عصابة "حمزة مون بيبي".. ابتسام كانت كتحرض "الفانز" ضد المغنية رقية ماغى باش ماتنافس ختها دنيا باطمة فعراسات الخليج

كشفت مصادر قريبة من ملف "حمزة مون بيبي" لي تتابع فيه المغنية دنيا باطمة أنه الاعترافات ديال ختها ابتسام ما كانتش عن طواعية فاللول، ولكن بعدما واجهها قاضي التحقيق بمحادثات وتسجيلات من الهاتف ديالها وهاتف أختها بعدما أجريت عليهم الخبرة التقنية، عاد بدات كتعتارف بوحدها.
المحادثات كشفات ان ابتسام باطمة كانت كتحرض بعض المتتبعين لي سماتهم ب"الفانز" على المغنية المغربية رقية ماغى ومدير أعمالها لي كان كيلقى ليها أعراس في الخليج.
السبب ديال مهاجمة دنيا لرقية كان تحول للعلن في انستكَرام بعدما وجهات دنيا لرقية اتهامات وسب وقذف في المباشر بسبب عراساتها في الخليج.
التحقيقات أكدات ان دنيا باطمة ما كانت كتخلي حتى وحدة تقدر تزاحمها في عراسات الخليج لي كدخل منها الزبابل ديال الفلوس، هي وشركة الانتاج "ترك برود" المسيرة لأعمالها في الخليج ولي هي ديال راجلها محمد ترك.