دنيا باطمة حاملة للمرة الثانية.. وعائلتها خايفين يطيح ليها مع الضغط ديال قضية “حمزة مون بيبي”

المغنية دنيا باطمة حاملة للمرة الثانية حسب ما كشفات عليه عمتها البارح الاثنين من قدام أبواب المحكمة في مراكش.
وقالت عمة دنيا أن بنت خوها حاملة وهادشي لي كتعرض ليه بسبب اتهامها فقضية “حمزة مون بيبي” يقدر يتسبب ليها في الاجهاض.
وكانت البارح دنيا وختها ابتسام قدام قاضي التحقيق في المحكمة الابتدائية في مراكش، وعرفات المحكمة حضور بزاف ديال الناس لي حبسو حركة السير ولي تقسمو بين لي كيبغيو المغنية وبين لي استنكرو هادشي لي دارت.
وقرر القاضي يكمل متابعة دنيا باطمة في حالة سراح في حين رفض اطلاق سراح المعتقلين الآخرين فنفس القضية.