من بعد ما خرج اوديو فرش باطمة.. رقية ماغي: دنيا سباتني وهدداتني ب”حمزة مون بيبي” ومابغيتش ندعيها غير حيت كنشفق عليها – فيديو

الدقات كينزلو على دنيا باطمة نهار على نهار. من بعد اتهامها في قضية “حمزة مون بيبي” لي كان داير عصابة ديال الابتزاز والتشهير، خرج أوديو ديالها ومحادثة من واتساب وهي كتدوي وتهدد المغنية المغربية رقية ماغي لي معروف أنهما على خلاف.
وفي الأوديو لي المدة ديالو 10 ديال الثواني مسموع صوت باطمة كتقول: “قوليهم قالت لك باطمة نتي وديك التريكة إلى مابعدتيش عليها غادي تنزلك في جريدة الصباح ماشي غير حمزة مون بيبي”. وفي السكرين شوت ديال واتساب كاتبة كلام كتشفى فيه فرقية حيت عندها عاهة مستديمة.
المغنية لي مستقرة في دبي خرجات البارح الاثنين وأكدات ان المحادثة صحيحة وماشي مزوة، وقالت أن دنيا باطمة عرضاتها للسب والتهديد بعدما خرجات أغنيتها الوطنية “المغرب وجمالو”، وأضافت أنها مارفعاتش دعوى قضائية ضدها لأنها كتشفق عليها.