دنيا باطمة عطات باسبورها البحريني فاش بغات تخوي المغرب.. وملي منعوها جاها انهيار عصبي وحالتها حالة

المغنية دنيا باطمة كتعيش أسوء أيام حياتها من نهار دخلات الفن وولات شخصية مشهورة.
البارح وبعدما منعوها البوليس في مطار محمد الخامس في كازا تسافر للبحرين مع راجلها رجعات للدار وجاها انهيار عصبي وحالتها الصحية والنفسية ماشي حتى اللهيه، وجابو ليها طبيب حتى للدار.
وقال مصدر “كود” أن باطمة ملي بغات تسافر عطات جواز سفرها البحريني عوض المغربي، قبل ما يطلب منها المسؤول في المطار تعطيه وثيقة مغربية وهي تجبد لاكارط ناسيونال.
كَاع ضسارة ديالها لي موالفة تخرجها في سناب شات وفيديوهات المعاطية تقاضاو ليها، ودابة ملتزمة الصمت حتى تشوف هاد القضية ديال حسابات حمزة مون بيبي لي متورطة فيها فين غادي تخرج.