دنيا باطمة كتبارك للناس رمضان من حساب ختها ابتسام لي مشدودة فالحبس فقضية "حمزة مون بيبي"

واخة هي فالحبس، كتفضل دنيا باطمة تنشر في الحساب الرسمي ديال ختها ابتسام في انستكَرام بشكل دائم وتطلب من الناس يدعيو معاها باش تفك من هاد الحريرة لي دارت راسها فيها.
دنيا نشرت في الكونط ديال ختها فيديو قديم فيه تهنأة شهر رمضان وفي نفس الوقت كتنشر الفيديوهات لي عندهم علاقة بالظلم والأدعية والتخربيق.
دنيا مصممة أنها مظلومة هي وعائلتها في قضية حمزة مون بيبي، وبحكم حالة الطوارئ وفيروس كورونا والازمة لي دايز منها المغرب، تعطلو الاحكام والتحريات فقضية هاد الحسابات لي كانت متخصصة في التشهير والسب والقذف والتهديد، وضرات بزاف ديال الناس.