دنيا باطمة ماعايشاش معانا.. البلاد كتقاتل مع جايحة كورونا وهي همها غي ختها لي مشدودة فقضية حمزة مون بيبي

الوقت لي الناس عايشة كتقاتل على البلاد باش ما تغرقش في جايحة كورونا، وكولشي مشارك في حملات توعوية والتبرعات المادية باش نعتقو الوضع، دنيا باطمة لي عطاتها البلاد بزاف باقة سارطة لسانها حتى للبارح.
البارح باطمة خرجات كتنشر الأدعية في حسابها على أنستكَرام كتدعي فيه مع ختها ابتسام لي مشدودة في سجن لوداية بسبب تورطها في قضية عصابة حمزة مون بيبي.
دنيا نسات البلاد لي هزاتها والناس لي شجعوها والأوسمة لي خدات، وان هادشي لي خلاها تخدم في الأعراس والسهرات في بلادها قبل الخليج وتشد الملايين في الليلة ودير الفيلات والسيارات.