بعدما خرجات عينيها ونكرات وضربات الطر لراسها عربيا.. دنيا باطمة تحدو ليها

بعدما المغنية دنيا باطمة كذبات الصحافة على استدعاءها من طرف البوليس في قضية حسابات “حمزة مون بيبي” لي كان داير عصابة متخصصة في الابتزاز والتشهير وسب الفنانين، المغنية لي مستقرة في البحرين شرفات اليوم عند الشرطة القضائية باش يستامعو ليها، بعدما قرقبو البارح على ختها ابتسام في مراكش وجابوها لكازا.
الفنانة، ومن بعدما وسخات سمعة الصحافة والبلاد في حوارها مع قناة “العربية” وصدرات بلاغ كتكذب فيه جميع الأخبار، ها هي اليوم عند البوليس واش ملي غادي تخرج غادي تعتذر وتوضح شنو واقع ولا تبقى في تخراج العينين.
باطمة لحد الساعة مابغاتش تفهم أن كل ما يكتب في هاد القضية هو نقلا عن مصادر مطلعة في “كَود” وماكنجيوش ونلوحو الباطل.
ولي غير مفهوم لحدود الساعة هو كيفاش ختها ابتسام كانت عند البوليس البارح ودنيا خارجة بوجهها قاصح كتكذب وتنفي.