دنيا باطمة فرحانة بتأجيل الجلسات فقضية حمزة مون بيبي بسباب كورونا.. ودفاعها كيحاول يطلب عيشة عياش ما تعتارفش وتغرقها

دنيا باطمة فرحانة بالعطلة القضائية الاستثنائية لي تعلن عليها في محاكم البلاد في اطار القرارات لي توخدات للحد من انتشار فيروس كورونا، ولي خلات الجلسة ديالها تتأجل حتى هي بعدما تشدات ختها الأسبوع لي فات في حبس لوداية فمراكش، بسبب تورطها في قضية حمزة مون بيبي.
مصادر قريبة من دنيا قالت ل”كود” أنها كتعاني هاد الأيام لأن الأزمة جاتها مع الوحم، وختها مشدودة وخايفين عليها من فيروس كورونا في الحبس، وخايفة حتى من المواجهة لي غادي تكون بينها وبين عيشة عياش ولي ممكن تعترف عليها حتى هي وتغرقها، كيف ما دارت مع ختها.
مصدر “كود” قال بأن دفاع باطمة كيحاول يتواصل مع دفاع عيشة عياش باش ما تجبدهاش في المواجهة ويخليو الضرر محصور في ابتسام خصوصا أن دنيا هي لي خدامة على العائلة كاملة.