صافي تحداو ليها دنيا باطما. بعد شوهة الاستماع ليها.. ها بيمن واجهوها: گلامور وسلطانة

علمت “كود” ان دنيا باطما اللي خلات لغنا وقلباتها ملاجة٬ قد تمت مواجهتها اثناء الاستماع اليها فقضية “حمزة مون بيبي” قبل يومين بمقر الفرقة الوطنية للشرطة القضائية بالدار البيضاء بگلامور اللي مشدودة فنفس القضية. هاد خيتنا جابوها من سجن لوداية بمراكش لسجن عكاشة وفق مصدر “كود”٬ غير باش تواجه دنيا باطما.
وفق مصدر “كود” ماشي غير گلامور اللي جابوها تواجه مغنية متهمة فهاد القضية٬ بل حتى المسماة سلطانة جابوها تواجه باطما واختها.
دنيا باطما اللي بقات ناكرة اية علاقة ليها واي تحقيق معاها فقضية عصابة حمزة مون بيبي اللي ابتزات مشاهير وغير مشاهير٬ دوزات سوايع وقبلها كانو شدو ختها فمراكش وجابوها للفرقة الوطنية يحققو معها. بجوجهم طلقوهم ولكن خاصهم يبقاو قراب ايلى بغات الشرطة تحقق معاهم تحت اشراف النيابة العامة.