قضية حمزة مون بيبي. شدو عدنان مول الطونوبيلات

علمت “كود” انه تم اليوم الخميس بمراكش اعتقال عدنان مول الطونويبلات المتورط فقضية حمزة مون بيبي.. هاد الاعتقال جا بعد قرار غرفة المشورة بداية الاسبوع الجاري تعليق قاضي النيابة العامة ومتابعة سيمو ظهير وسكينة گلامور وعدنان مول الطونوبيلات. النيابة العامة كانت قررت متابعة هاد الثلاثة فحالة سراح. جا قرار غرفة المشورة ورجعها ليهم “المتابعة فحالة اعتقال”
حسب معطيات حصلت عليها “كود” فان هاد عدنان لا يملك وكالة لتأجير السيارات الفارهة كنا سبق وروج لذلك، وأنه يتحدر من أسرة متوسطة الدخل تحترف الاتجار في الأثاث المنزلي القديم.
هادو من اصل 5 دابا متابعين فهاد القضية المثيرة. عصابة اختصت فابتزاز عدد من المشاهير. مورطين فيها مشاهير وغاديين يجيبوهم.
وكان مراسل لشي موقع عندو علاقة بالقضاء والجرائم بغى يبتز فهاد الملف وهو يطيرو عليه هاد السيمانا كذلك.