عاجل فقضية حمزة مون بيبي. جابوها فراسهم. غرفة المشورة: ظهير وسكينة كلامور وعدنان يرجعو للحبس

علمت “كود” ان غرفة المشورة مراكش اللي كيرأسها الوكيل العام الغت قرار قاضي التحقيق اللي كان متع كلا من الصحافي سيمو ظهير وسكينة كلامور وعدنان مول الطونوبيلات بالمتابعة فحالة سراح فقضية حمزة مون بيبي وحجز الباسبورات ديالهم ومنعهم من مغادرة المغرب.
وفق مصدر “كود” فان هاد القرار اللي طعنات فيه غرفة المشورة كيعني دابا خاص النيابة العامة ترجعهم للحبس.
هادو اللي فيهم صحافي عندو بطاقة الصحافة ديال المجلس الوطني للصحافة هاد العام واسمو سيمو ظهير كيخلق مشكلة كبيرة على كيفاش واحد كان عندو سوابق وحصل على هاد البطاقة اللي المفروض خاصو يجيب شهادة تثبت باللي ما عندوش سوابق.
هاد الجديد فقضية مون بيبي تزامنات مع الاستماع الى صحافي اخر فمراكش قبل ايام. قضية غادية وتكبر.