كونط “حمزة مون بيبي” باقي كيحط السنابات بحالا ماواقع والو فالقضية

هاد اليوماين واخا كان المراسل الصحافي محمد الظهار وسكينة كلامور صاحبت دنيا باطمة، وشخص ثالث كيحققو معاهم البوليس فقضية الكونط ديال “حمزة مون بيبي” من اجل التشهير والابتزاز، كانو السنابات كيتحطو.
وقرر قاضي التحقيق يطلقوهم البارح، ويتابعوهم في حالة سراح.، وحيدو ليهم الباسبورات وخلصو 4 مليون باش يخرجو من الحبس لي دوزو فيه 2 ليلات.
وكيبان أن حملة الاعتقالات لي دايرينها البوليس فهاد القضية خلات صحاب الكونط يتكمشو شوية ويرجعو للور، ولكن ماوقفوش.. حاليا ماكينش شي بوسط قوي ولا فيه السبان، كاين غير شوية ديال الضحك والتريكيل والكلام الصباحي والمسائي.
والتحقيق في هاد العصابة شمل حتى مالين الكاباريات لي طلقوهم حتى هوما، لكن ولد اكادير لي عندو 23 عام باقي في تحقيق.