كونط “حمزة مون بيبي” كيحط تصاور الناس لي متضامنين معاه قبل ما يقرقبو عليه البوليس -تصاور

البارح النهار كامل خصصو الكونط ديال “حمزة مون بيبي” في نشر التصاور ديال الناس لي متضامنين معاه من العالم كامل بعدما بدات التحقيقات باش يشدوه بتهمة الابتزاز في الانترنت.
الكونط حط تصاور وفيديوهات وحتى تعاليق ديال مغاربة العالم كيقولو انهم عمرهم شافو منو العيب وهو كيفرش النصابة وكيعاون لي محتاجين.
التعاليق في صالحو لكن البوليس دايرين خدمتهم، وحاليا القضية خرجات من المغرب حيت كاينة اشاعات كتقول أن مول الحسابات ماكينش في المغرب.
وملي رجع الحساب نهار السبت بالليل دار توضيح واكد أنه مكانش مشدود ولكن كيشوف من بعيد وأكد ان البوليس حققو مع 15 الواحد وان لي حط الشكاية هو محمد المديني لي في مراكش وعندو جمعية لحقوق الانسان.