من بعد ما قربقو البوليس على دنيا وابتسام باطمة.. الدور قريب على سيمو بنبشير فقضية “حمزة مون بيبي”

البارح البوليس في مراكش قرقبو على ابتسام باطمة، واليوم تشدات ختها دنيا باطمة في قضية “حمزة مون بيبي” لي داير عصابة تشهير وابتزاز وسبان.
المعطيات لي أكداتها مصادر “كَود” أن سيمو بنبشير لي ظهر كثر من مرة مع باطمة كيرددو شعار “نايضة نايضة”، وكان ديما كيحط بوسطات ديال “حمزة مون بيبي” في صفحاتو الخاصة في الانترنت مقادرش يدخل للمغرب، ومن نهار تشدو المتهمين في القضية ختار يبقى في ميريكان.
وأكد مصدر كود أن بنبشير لي كان دار حملة كبيرة ضد الاعلامية المغربية مريم سعيد وتزامنا مع الهجوم تحطو تصاور خاصة ديالها في الكونط المعلوم، ماعندوش الجرأة يدخل المغرب، وحاليا داخل سوق راسو ومكمش.