من بعد ما كعاو الناس من ديق التنفس والخنقة اللي كدير الكمامة.. بلافريج: خاص كلشي يفكر للعيالات اللي كيديرو اللثام والبرقع على طول العام وللمعاناة ديالهم

فتعليقو على السخط والانزعاج اللي كيعبر عليه الكثير من الناس بعد فرض الكمامات فهذ الفترة ديال الحجر الصحي، بسبب ضيق التنفس اللي كيديرو، قال البرلماني عن فيدرالية اليسار، عمر بلافريج، بللي خاص الناس يفكرو فهذ اللحظة للعيالات اللي كيديرو البرقع واللتام والمعاناة ديالهم .
بلافريج قال، فتغريدة ليه على موقع التواصل الاجتماعي "تويتر"، بللي "خاص كلشي يعيق بالخنقة والضيقة اللي كيعانيو منها العيالات فاش كيلبسو اللثام ولا البرقع"، على اعتبار أن هذ اللباس كيلبسوه على طول العام فجميع الأوقات والظروف.
وكتعتبر الكمامات إجبارية فهذ الفترة، حيت كتحمي الناس من انتشار فيروس كورونا المستجد.