عشرات الالاف دالصبليون رجعو اليوم لخدمتهوم والسلطات كتوزع عشرة دالمليون كمامة فالمحطات الكبرى

عاد عشرات الالاف من الموظفين والعمال، صباح اليوم الاثنين، لمزاولة نشاطهم المهني، بعدما كانو وقفو خدمتهوم بسباب جائحة كورونا.
وكانت السلطات الاسبانية وقفات الخدمات وعلنات الطوارئ بعدما تفشى الوباء، ولكن الحكومة قررات أنها ترجع الحياة الاقتصادية واخا مازال الوباء.
وقالت وسائل اعلام أن السلطات الاسبانية دارت عشرة دالمليون كمامة فالمحطات والاماكن العمومية، باش الموظفين يديروها، فالوقت لي قالت بعض الشركات أنها ماعندهاش شروط الامان، والوسائل لحماية موظفيها.
وجاء قرار الحكومة الاسبانية بعد تسجيل تراجع خفيف في عدد الاصابات، وعدد الوفيات، لكن من شأن عودة الحياة الاقتصادية فهاد الظروف، يرجع كورونا بشكل كبير يلا ماكانتش اجراءات الامان محترمة.