من بعد تسجيل أكثر من 500 حالة.. وزارة الصحة دخلات للمرحلة الثانية لمواجهة "كورونا"

استراتيجية وزارة الصحة فالتعامل مع الوضع بعد انتشار فيروس "كورونا" فالمغرب غادي تتبدل، من بعد ما تم تسجيل 516 لحالة ديال الإصابة بفيروس "كورونا" اليوم فالمغرب، وفات عدد التحليلات اللي كتدار للكشف على الفيروس سقف 2500 حالة، ما بين الإصابات المؤكدة والمستبعدة.
محمدي اليوبي، مدير مديرية الأوبئة ومحاربة الأمراض، كان قالد فعرض قدمو على "تداعيات انتشار وباء كورونا وسبل محاصرته" في لجنة القطاعات الانتاجية بمجلس النواب، بللي محاربة الوباء غادي تكون على ثلاث مراحل، مراحل أساسية.
وقال بللي إلى تجاوزنا 500 حالة مؤكدة و2000 حالة محتملة، فهذا كيعني أننا دخلنا للمرحلة الثانية لمحاربة هذ الوباء، وفيها الوزارة مغاديش تقتصر على مواجهة الفيروس بشكل اعتيادي، لكن غادي يكون الهدف ديالها هو الحد من انتشارو أساسا، وتقليص عدد الوفيات.
دابا الوزارة مغاديش تبقى مركزة على مواجهة الفيروس من خلال الحد من انتشار العدوى بين الأشخاص، لكن غادي تشوف دابا كيفاش تدير تنقص عدد ضحايا الفيروس، وتحبس الانتشار ديالو.