رانيا يوسف: تزوجت 3 ديال المرات.. ودابا عقدت من الزواج وما يجي منو

الفنانة المصرية المثيرة للجدل رانيا يوسف قالت أنها تزوجات 3 ديال المرات، وأن راجلها الثاني لي كان صغر منها بربع سنين تكرفصات معاه بزاف واستغل حبها ومشاعرها أسوء استغلال.
وأكدات رانيا أن التجارب لي عاشت مع ثلاثة ديال الرجال خلاتها تعقد من الزواج ولي يجي منو. وقالت “مبقاش عندي الكَانة ولا الطاقة باش نتحمل شي واحد ولا الوقت باش نفكر نتزوج عوتاني”.
وأضافت يوسف في برنامج “القاهرة الآن” أن”لي كيتعارف معايا دابا كيكون عندو شي غرض فيا”، ووضحات أن تجربتها الأولى في الزواج كانت أفضل حيت ولدات بناتها لي كبرو دابا.