دنيا باطمة كتسترجع ذكريات الحمالة.. حطات تصاور بنتها وهي كتضحك في كرشها – تصاور

البارح كان نهار ديال استرجاع ذكريات الحمل بالنسبة للمغنية دنيا باطمة لي دوات على بنتها غزل ببزاف ديال الحب والحنان، وقالت أن بنتها من صغرها كتفيق ضاحكة وراشقة ليها وقليل فين كتبكي.
وأكدات باطمة أن بنتها لي عندها دابا 3 سنين ديما كتضحك حتى ملي كانت باقة في كرشها وباش تأكد كلامها حطات تصاور ديال الفحص 3D كتبان فيهم “ضاحكة”.
وقالت دنيا أنها كانت ناوية تدخل بنتها للمدرسة باش تعرف وتلعب مع دراري صغار لكن ماكتفيقش ليها بكري وكتبقا ناعسة بزاف حتال وسط النهار.
وبانت غزل وهي كتلعب وكتضحك مع ماماها وباباها وبانت باطمة فخورة ببنتها لي كتكبر قدام عينيها وكتشوفها كيف كانت كتمنى وأحسن.