الزعيترات بغاو يكحلوها عماوها. دارو فيديو كيفوحو بيه. كيسوگو بلا احترام القانون وعايشين عيشة لملايرية فالمغرب بلا ما يقولو لينا منين جابو هاد لفلوس ديال اليخت والطونوبيلات وشكون سمح ليكم تصورو بدرون =فيديو =

هاد الزعيترات اللي تسلطو على المغرب وما عرفناهمش منين خرجو لينا وكيديرو رياضة ما عندها لا شهرة لا شعبية فبلادنا٬ كيروجو هاد ليام شي فيديو كان تصايب ف2017. فيديو على حياتهم. قليل اللي شاف هاد الفيديو.
فيديو بغاو يبينو علاقتهم بالمغاربة علاقتهم بولاد الشعب. كلشي متصنع فهاد الفيديو. ثقال بزاف وضحكهم باسل. ماشي هادا هو المهم. الاهم فهاد الفيديو هو انهم بوجههم حمر كيخرقو القانون وفرحانين. كيسوگو ولا كيركبو فالطونوبيلات بلا سمطة. كيتسركلو فطونوبيلات غاليات بزاف بزاف ومنين جاهم هاد الشي. من الرياضة؟ يستحيل.
كملوها مشاو ركبو فيخت باش يتبوزاو علينا. واش هادي حياة رياضي. هادي حياة لملياردير. رياضي كيديها غير فرياضتو. اولا.
فيديو بين بللي هاد الزعيترات فوص نوت وصافي فهاد المغرب. هادو اللي ولاو يتلاحو لامور كبر منهم مشاو بعيد. الصحرا من خلال شوهة الماتش الكالا وقلبوها استثمارات فالماكلة وامور اخرى.
هادو اللي كيصورو بالدرون ديور عباد الله وغير لمرفحين من المغاربة شكون عطاهم الترخيص.
المهم فيديو عطى صورة على هاد العينة من بنادم.