ناري فين وصلنا: قضاة الشارع حكمو على "شفار" يحتضر بايت باها وما قدمو ليه حتى مساعدة

صعيب بزاف الفيديو اللي دار فالفايس ويوتوب فيه شخص قال عليه اللي صور الفيديو باللي شفار. هاد الشي فاشتوكة ايت باعا. يبدو انه كان هارب بعدما سرق شي حاجة وتعرض لحادثة سير. كيصورو واحد وكيقول هادا شفار والدم ينزف من راسو وهو يحتضر.
الكارثة ان ناس جاو حتى واحد ما قدم مساعدة لرجل في حالة خطر والقانون واضح فهاد الشي. بينو الموس لكبير اللي حداه وقالو ديالو وبينوه وخلاوه. حتى واحد ما قال نتصل بالاسعاف فكرو غير فالجدارمية. ما نقدروش نقدمو ليكم رابط هاد الفيديو المقزز
هادو دارو ليه محاكمة وهو كيموت. حكمو عليه يموت وهاد الشي خطير. الخطير على مجتمع هو يبدا القصاص راسو يتخلى علي الدولة على مؤسساتها ويدير شرع يديو.