التفكير ديال سراق الزيت نيت.. بعدما خرفات ليها ناهد راشاد كتقلل من العيالات وطيح من قيمتهم باسم الكوتشينكَ والبوز -فيديوهات

بعدما خرفات ليها في الراديووات والتلفزة ومابقاوش قابلين عليها وعلى هضرتها، ناهد راشاد لي كتقدم راسها ككوتش كتقلل من العيالات وكتشبهم بالفيلات ديال الشرا والبرطمات ديال الكرا في ديسكور ميزوجين كيقلل من قيمتهم.
★☆★BONUS POUR UNE DUREE LIMITEE★☆★⚠⛔???? ALLLLLERTE: Séminaire de Couple Prochainement Animée Par Nahed RACHAD. Les Places…
Publiée par NAHED Rachad sur Lundi 16 décembre 2019
السيدة ملي شافت أن تشييء المرأة حرك الناس ودار بوز، سلبي اه ولكن كيبقى بوز واخا هكاك، ماوقفاتش عند حدها وزادت فهدرتها لي دون المستوى باش تلفت الانتباه ليها اكثر.
البارح حطات فيديو جديد دوات فيه على الأنوثة ووصفات المرا لي كتقتل سراق زيت بأنها “سيمحمد”، وقالت ان المرا ماخصهاش تقتلو، وتبان بحال شي راجل، خاصها تخلي الراجل يقوم بالدور ديالو، اي يحميها وهي تبقى بانوثها وفدورها ديال الكائن المحمي.
⛔???? ALLLLLERTE: Séminaire de Couple Prochainement Animé Par Nahed RACHAD. Les Places sont Limitées. La Liste d'attente…
Publiée par NAHED Rachad sur Dimanche 22 décembre 2019
الانتقادات والتعاليق كانو كثيرة في صفحتها وبالأخص من النساء لي رفضوها تدوي عليهم بهاد النوع من التبخيس، وتحدد ليهم دورهم فالحياة، ورفضو التشبيهات ديال راشاد المتخلفة، وطريقة تفكيرها القروسطية…
هاد السيدة بتفكيرها المحدود مازالة كتشوف المرا والراجل بحال كيف كانو فالكهف.