رسميا. ترامب تحال للمحاكمة أمام مجلس الشيوخ بتهمتي “استغلال السلطة” و”عرقلة عمل الكونگريس

البارح الاربعاء الليل حال مجلس النواب رئيس امريكا ترامب على مجلس الشيوخ للمحاكمة. وجهو ليه “استغلال السلطة” و”عرقلة عمل الكونگرس”. هاد الاجراءات بداية لعزلو وغادي يكون هو ثالث رئيس فتاريخ امريكا وقع ليه هاد الشي بعد اندرو جونسون 1868 وكلينتون 1998.
هاد الاحالة جات بعد تصويت 229 نائب ومعارضة 198 وامتناع واحد. ويتوقع تبدا هاد المحاكمة التاريخية فالشهر الجاي يناير.
طبعا ترامب هجم على الديموقراطيين اللي مسيطرين على مجلس النواب وقال باللي كيحركهم الحسد والحقد والغضب وباغيين يضربو تصويت ملايين الامريكيين ليه ف2016.
وبعدها بدقائق وجّه المجلس إلى ترامب تهمة ثانية هي عرقلة عمل الكونغرس التي أقرّت بأغلبية 229 صوتاً مقابل 198 وامتناع نائب واحد عن التصويت.
الحظ اللي عند ترامب ان الاغلبية فمجلس الشيوخ اللي غادي يحاكمو فيه صحابو الجمهوريون. هادو قالو باللي غاديين يبرئو ترامب من هاد التهمتين كيف وقع لجونسون ولكلينتون قبلو.