بطل فيديو التلاعب بحكم قضائي اطلع نصّاب.. مصدر ل”كود”: عندو سوابق في مجال النصب والاحتيال وها فين ساكن وأبحاث أمنية مكثفة لتوقيفه

لقينا ف “كود” معطيات على بطل الفيديو اللي فيه كيقول لمرا راه يدخل ملف معروض على القضاء باش يخفض العقوبة لوحدة من 8 شهر لشهرين.
ووفق هاد المعطيات للي حصلات عليها “كود”، فإن الأبحاث اللي دارها البوليس باشراف النيابة العامة تمكنات من تحديد هوية مول الفيديو. لقاو عندو لوسخ: سوابق فالنصب والاحتيال.
السيد لمگرفط طلع ساكن فالقريعة بكازا ودابا قربو يقرقبو عليه
رئيس النيابة العامة، محمد عبد النباوي، هو اللي عطى التعليمات باش يتبحث فهاد القضية ويعرف تفاصيلها الدقيقة.