البشير سكيرج ناض ليه القوق فوق راسو. ودابة داير اليدين ورجلين باش يتمسح الفيديو المسيء من اليوتوب

الممثل البشير سكيرج، مول الفيديو المسيء للعائلة الملكية منوض حالة باش يتمسح الفيديو من اليوتوب.
مصدر “كود” قال بأنه من بعد ما البوليس شدو الدراري لي شفرو سكيرج ودابة راهم في السيلون، ولا الهم الوحيد ديال الكوميدي هو الفيديوهات يطيرو من الانترنت.
وأضاف مصدر الجريدة، أن البشير كيقول للمقربين منو أن داكشي مسيء للملك، وخاصو ماتبقاش لاطراس ديالو في اليوتوب والانترنت عامة.
المهم الجوج لي صورو الفيديو كانو ساكنين في شي بيت فحي شعبي في طنجة. وملي شدوهم عيطو على سكيرج لي تعرف عليهم.