متهم باغتصاب قاصر ودوز الحبس في جريمة قتل.. نيكي ميناج تزوجات بكينيث بيتي

المغنية العالمية نيكي ميناج علنات خبر زواجها من حبيبها كينيث بيتي، لي متهم في قضية اغتصاب ودوز 7 سنين ديال الحبس بتهمة القتل عن طريق الخطا.
وعلنات نيكي لي مرشحة لجائزة “غرامي” خبر زواجها في صفحاتها على مواقع التواصل الاجتماعي، وقالت أن الزواج كان نهار الاثنين.
وقصة حب نيكي وكينيث ديما تابعها لغيط والانتقادات ديما تابعين النجمة لأنها حباتو وبغاتو. والمعجببين ديالها انتقدوها لأنه متورط في قضية اغتصاب قاصر ملي كان حتى هو قاصر عندو 16 عام، وكان دوز الحبس بعدما قتل شخص بالخطأ في 2006، وكان الحكم الابتدائي 10 سنوات قبل ما يرجع 7 سنين، وخرج في 2013.
وأكدات نيكي ميناج أنها عايشة الحب والسعادة مع راجلها والانتقادات كعما كتسوق ليهم، وأكدات أنه مختلف على كاع الرجال لي سبق وكانت على علاقة بهم.
وكانت نيكي علنات مؤخرا خبر اعتزالها الفن باش تركز على حيالتها الشخصية.