مدير الموارد البشرية فوزارة الصحة يطلب من الوزير آيت الطالب باش يعفيه من المهام ديالو

رشيد الصديق، مدير مديرية الموار البشرية بوزارة الصحة، شدّاه القفقافة من انهار تعين خالد آيت الطالب وزيرا جديدا للصحة، خلفا لأناس الدكالي الذي أعلن حزبه الخروج من الحكومة.
هاد المسؤول المنتمي لحزب التقدم والاشتراكية راسل وزير الصحة، إعفائه من منصبه على خلفية ما اعتبره أسباب شخصية، بعدما كان يشغل هذا المنصب منذ 30 غشت من سنة 2018. لكن هاد المبرر ديال أسباب شخصية مضحكة شويا. مصدر من الوزارة قال ل”كود” ان الوزير الجديد غادي يطلق حملة بونظيف وغادي تجي الدقة فبزاف.
وأضاف مصدر كود: “الصديق عارف مزيان أن الوزير الجديد باغي يعرف الشادة والفادة ولكبيرة والصغيرة داخل الوزارة لإعادة ترميم البيت الداخلي اللي كان عايش في فوضى عارمة، وفيه المحسوبية والزبونية، ودبا ناض يطلب الإعفاء ديالو، لكن احتمال كبير يكون الوزير هو اللي قاليه قدم الإعفاء ديالك وسير فحالك. المهم القضية فيها “إن” وصافي”.
وطالب الصديق، في استقالته، التي تتوفر عليها “كود”، من الوزير الجديد لقطاع الصحة، البروفيسور خالد آيت الطالب، بإعفاءه من مهامه بناءً على المرسوم رقم2.12.412 بتطبيق أحكام المادتين 4 و 5 من القانون التنظيمي رقم 02.12، فيما يتعلق بمسطرة التعيين في المناصب العليا، التي يتم التداول في شأنها بمجلس الحكومة.