ديالنا مياخدوه غيرنا.. الدكالي دار أستاذ ديالو مدير مديرية الأدوية ودار فكاك فهاد المنصب ومدير الموراد البشرية اطلع كاتب إقليمي ديال حزبو

مفاجئات كثييرة وقعات بالتعيينات ديال المناصب العليا اللّي صادقات عليها الحكومة أمس الخميس. ففي قطاع الصحة تم تعييّن ستة مسؤولين مركزيين، لكن المفاجئة هي أن الوزير الدكالي جاب الأستاذ ديالو توفيق جمال وحطو فمنصب مدير الأدوية والصيدلة.
وحسب مصادر “كود”، فإن توفيق جمال هو اللّي كان كيقري الوزير الدكالي شعبة الكمياء العلاجية فالكلية ديال الطب وأشرف على بحث التخرج ديالو. هاد المسؤول كان تعفى فواحد الوقت بعد تقارير خايبة أنجزتها المفتشية العامة ديال الوزارة.. واش هكا غادي نداويو قطاع الصّحة اللي مريض.
وماشي غير هادشي السيد ناض عين مدير ديال الموراد البشرية من الحزب ديالو. فحسب مصادر “كود”، فإن رشيد الصديق الكاتب الإقليمي لحزب “الكتاب” بالصخيرات اطلع ليه الجوك فظروف غامضة وتعين على رأس أكبر مديرية فوزارة الصحة واللّي هي مديرية الموراد البشرية.
سعيد فكاك اللّي كان كينافس نبيل بنعبد الله على رأس الأمانة العامة لحزب التقدم والاشتراكية بغاو يرضيوه وخلاو ليه المنصب اللّي كان فيه. فكاك دبا دارو ليه تجديد منصب رئيس مؤسسة الحسن الثاني للنهوض بالأعمال الاجتماعية لفائدة العاملين بالقطاع الصحي.