خليجية منوضة روينة.. مابغاتش تدخل للجنة وقالت: ندير الحجاب ولا مانديروش ماشغل حد نلبس المايو شغلي والجنة اللي تسد الباب فوجهي حيت مادايراش الحجاب ماتشرفنيش ندخلها

مرا كويتية منوضة الصداع على مواقع التواصل الاجتماعي، بعدما داع فيديو ديالها وهي كتقول فيه انها كترفض تدخل للجنة اللي ماكتخليش العيالات اللي مادايراتش الحجاب يدخلو، وعبرات على رايها بكل وضوح، ولكن بنادم ماتقبلوش وناض كيسب فيها ويعاير.
هاد الناس اي حاجة واي واحد مختالف عليهم ماكيتقبلوهش، وكيهاجموه، وماكيفهمو والو في حرية التعبير والعقيدة.
وقالت السيدة في الفيديو: نلبس حجاب ولا مانلبسش حجاب ماشي شغلك، نلبس مايوه نمشي مفسخه ماشي شغلك.
وأضافت: الجنة اللي تسد فوجهي الباب حيت مالابساش حجاب ما تشرفنيش.