الحكومة كلسات مع النقابيّين ديال “سامير” وبغات تطوق أزمة مصفاة المحمدية

omarelmouzaine@gmail.com
علمت “كود”، أن الكاتب العام ديال وزارة الطاقة والمعادن، دار البارح الثلاثاء لقاء مع ممثلين عن الجبهة النقابية بشركة سامير، وكان معاه المدير ديال المحروقات ف المغرب. هاد اللقاء جا بعد المراسلة لي توصلات بها الوزارة من نقابة الشركة.
هاد البقاء، حسب مصادر نقابية، ناقشو فيه الوضعية العامة ديال مصفاة المحمدية اللي كتواجه حكم التصفية القضائية، وحول الدعوة الملحة ديال الجبهة النقابية والنقابة الأكثر تمثيلاً لكل الجهات والسلطات المعنية من أجل المساعدة في إنقاذ مصفاة المحمدية وحماية كل المصالح والحقوق المرتبطة بها.
الحكومة ف الشخص ديال الكاتب العام للوزارة عبر عن الاستعداد الحكومة للتعاون والمساعدة، بناء على الصلاحيات المخولة له في ذلك ودون التعارض ولا المساس بالمقررات القضائية ذات الصلة بالموضوع.