فضايح الرقاة الشرعيين مازال مستامرين.. خطيب ديال جامع ضواحي الحاجب قاليك كيدير الرقية الشرعية اغتاصب بنت ذوي الاحتياجات الخاصة

omarelmouzaine@gmail.com
فضيحة جديدة عاود ديال هاد الناس لي كيقولو كيديرو الرقية الشرعية. فبعد داك الراقي الوهمي ديال بركان، ظهر عاود واحد الخطيب ديال جامع كاين ف الجماعة ديال راس جيري لي تابعة ترابيا لإقليم الحاجب، كيستغل الدين لاغتصاب واحد البنت من ذوي الاحتياجات الخاصة.
ووفق ما كشفت عنه مصادر حقوقية، ل”كود”، فإن هاد الإمام لي شدوه البارح الجمعة الجدارمية بتعليمات من الوكيل العام ديال مكناس، بعدما أوهم العائلة ديال داك البنت المعاقة انه غادي يداويها من المرض ديالها عن طريق “الرقية الشرعية”، قبل أن يعمد على اغتصابها.