ها اش گال ل”كود” اليزمي على خبار جراو عليه من مجلس حقوق الانسان: ايلى بقيت طبيعي ولا مشيت طبيعي

إدريس اليزمي اللّي كان عينو الملك محمد السادس فشهر مارس ديال 2011 رئيس ديال المجلس الوطني لحقوق الإنسان دارت اخبار توقعات يطير من بلاصتو. اسم امينة بوعياش مرشحة تاخد بلاصتو.
“كود” تلاقات اليزمي فمراكش فافتتاح مؤتمر الهجرة. بان فرحان مع راسو. سولاتو على هاد الشي وكان ردو “ماكاين حتى شي حاجة من هادشي لحدود الساعة”
اليزمي اضاف ل”كود” “وحتى يلا كونت عارف مخاصنيش نقولها حتى يخرج بيان رسمي وراه يلا بقيت طبيعي ويلا مشيت طبيعي والمسؤولين على المؤسسات فالعالم من الطبيعي تبدلو.