مومو ديال هيت راديو: كانو كيعيطو لي الحمار بسباب ودنيا

المنشط الاذاعي مومو في هيت راديو، خصص حلقة اليوم من برنامج ديالو اليومي باش يدوي على الأمور لي معقدة كل واحد.
ولد كازا في الحي الحسني، قال في الهواء مباشرة هاد صباح أنه كان معقد بزاف من وذنيه حيت كانو كبار بزاف ومطنشين، لكن دابة ولا متعايش معاهم حيت ولفهم.
مومو قال انه في المدرسة كانو كيعيطو ليه وذنين الحمار، وواحد المرة الأستاذة هي لي تدخلات وقالت لدراري لي مانو كيعيروه بلي لي عندو وذنين كبار كيكون ذكي، ومن تما ولا فرحان.
بزاف ناس عيطو البرنامج وقالو على العقد ديالهم، وبزاف دواو على الكرش، وكين لي معقد حيت ضعيف، ولي معقد بسبب لون البشرة.
الخلاصة أن هاد ناس ملي كبرو كبرات ثقة في نفسهم، وولا مفتاخرين براسهم، وولاو مكيتسوقوش الهضرة ديال بنادم.