باش تعرف ابن عرفة ضربو الله. كيدافع عليه لشكر. مصدر ل”كود”: بلا ما يدافع عليه غير ما يبقاش يخلعو

ادريس لشكر اللي غادي بحزب الاتحاد الاشتراكي للهاوية ولعب ادوار شوهات تاريخ هاد الحزب اللي جزء من تاريخ بلادنا٬ هاد ليام عاطيها مديح واشادة بابن عرفة. كيقول عليه الدكتور.
هي فضيحة وشوهة للسياسة ولحزب العدالة والتنمية اللي كيقول باللي قرارو بيدو. ماشي بحال لشكر يولي كيدافع عليه. مصدر من حزب العدالة والتنمية قلبها تقشاب على هاد التحول. على شخص لعب دور كلشي عارفو فافشال بنكيران فعدم تشكيل حكومة ديالو ودارو هاديك المسرحية التافهة ومن بعد جابو ابن عرفة٬ وقال مصدر “كود” “ما يدافعش عليه غير ما يبقاش يخلعو” في اشارة الى الاجتماع الشهير ديال الاغلبية اللي بقى يغوت فيها نفس الشخص =لشكر= على نفس الدكتور حتى احتج مصطفى الرميد وخرج من الاجتماع ورجع.
هاد الشي هو اللي خلى بنكيران يدير هاداك الخطاب الهجومي فمؤتمر شبيبة الحزب. غير دارو وهو يتكمش السي لشكر يضيف مصدر “كود”.