ودير فيهم الخير يا اخنوش. دومو يهاجم وزير الفلاحة اللي دخلهم للحكومة وكيحرش عليه نواب البي جي دي بهاد الطلب

عبد العالي دومو اتحادي مرفح بدل حزبو ومشى للتقدم والاشتراكية هاجم صباح اليوم في مجلس النواب وزير الفلاحة والصيد البحري والتنمية الفلاحية والغابات بلا ما يقدر ينطق اسمه. السيد هاجم وفق مصدر ل"كود" خلال استضافته من قبل فريق البي جي دي في البرلمان صباح هاد اليوم الاثنين 8 يناير 2018 بشدة مخطط المغرب الاخضر اللي وضعو اخنوش وطبقو هادي سنوات واشاد به الملك فخطبو السابقة
دومو عطا لصحاب المصباح الدروس في محاربة الرأسمالية والاقطاع عندما طالبهم بمراقبة الدعم الذي تمنحه وزارة الفلاحة للفلاحين الكبار واعتبره ريعا واقطاعا.
هاد الهجوم جا ايام فقط من دعم الاحرار للاتحاد باش يولي عندو فريق وبعد ما خاض اخنوش معركة كبيرة باش يدخل هاد الحزب اللي ما بقى صالح لوالو للحكومة والبقية عارفينها. السيد واخا ترشح مع البي بي اس فاخر انتخابات فهو دارها غير ضد فلشكر ولكن هو راه اتحادي دابا كيصفي فحساباتو وصافي