سامسونغ غاتهني الناس من داك الحلان ديال الثلاجة كل مرة وداك السؤال ديال :أش خاص ؟

خرجات شركة سامسونغ مؤخرا ثلاجة كتديرالسيلفي لمحتوياتها باش تساعد مولاها يعرف شنو لداخل وشنو خاص وبضغطة زر يمكن يعرف المشتريات المطلوبة حتى ولو كان على برا .
و علنات سامسونغ على تصميم أول ثلاجة كتعتبر أكثر ذكاءا وتواصلا مع مولاها، وكتعتمد على السيلفي و ميزتها أنها كتوفر الوقت وكتغنيك على لاليست ديال داكشي لي خاص الدار .
ووضحات سامسونغ أن ثلاجة سميتها فاميلي هوب، و كيسوى ثمنها 4000 جنيه إسترليني، كتضرب تصاورها براسها لداكشي لي لداخل وكتصيفتها نيشان لصاحبها وكاينين فالثلاجة، ثلاث تالكاميرات لالتقاط صور داخلية لمحتوى كل رف من الأرفف ديالها وقتما تحل او تسد فيها الباب، وكتصيفتهوم لتيليفون مولاها.
ودارو الكاميرات لفوق ووسط و تحت باب الثلاجة باش تقدر تصور قبل ما يتطفى الضو ، وكتوصف شركة سامسونغ ثلاجتها بأنها كتوفر الوقت، وكتقلل من إهدار الطعام بعدم شراء نفس الأغذية الي كاينة في الثلاجة.