كيوجدو لتبرير خسارتهوم!. اليوم السابع المصرية كاتقول أن المنتخب المغربي غايربح غير بالسحر والشعوذة

المنتخب المصري عندو عقدة مع منتخب المغرب، وحتى الاعلام المصري خايف من منتخب المغرب، هادشي كتبينو الكتابات لي كيديروها اللعابة المصريين وإعلامهم، ورغم أنهم تواجهو مع منتخبات قوية بزاف من إفريقيا فالبطولة ولكن ماهضروش نهائيا عليها بهاد الاسهاب لي كيهضرو بيه على المنتخب المغربي.
اللعابة المصريين كيقولو أن عقدة المغرب سالات ومابقاتش، والصحافة ناضت كحلاتها، جات صحيفة اليوم السابع لي كتعتابر أكبر صحيفة إلكترونية فمصر وقالت أن المغاربة معروفين بالسحر الاسود وبيه كيربحو.
الصحيفة مابقاتش شادة فهاد الموضوع بزاف حقاش داز شوية ديال الوقت وهي تمسح الموضوع نهائيا من قاعدة بياناتها، حقاش موضوع فارغ وكيبغي غير يبرر الخوف من مواجهة الغد، يعني كيقولو للشعب المصري راه يلا خسرنا غدا ماشي حقاش مافيدناش أمام منتخب المغرب ولكن حقاش هوما عندهوم سحارة مجهدين وحنا ماعندناش.
يا سيدي بصحتنا السحارة لمجهدين المهم هو نربحوكوم غدا وندوزو لنصف النهائي ونتوما حسبوها كيف بغيتو.